અમેરિકા આવો છો? April 11, 2008
Posted by ambubhai in : લેખો , trackback
વ્હાલા સ્વજનો
આખું કુટુંબ અત્રે આવવા અધિકૃત બન્યુ છે તે આનંદનાં સમાચાર સાથે ફોન ઉપર આવકાર બાદ કેટલીક વાતો જે ફોન ઉપર કરી હતી તે અત્રે કાગળ ઉપર મુકું છુ.
1. ભાષા: ( ખુબજ જરુરી)
- અંગ્રેજીનું જ્ઞાન હોવુ અહીં ખુબ જ જરુરી છે ખાસ કરીને બોલવાનું સાંભળવાનુ અને સમજવાનુ. ઉચ્ચારો વિશે માહિતગાર થવા જ્યારે અનુકૂળ થાય ત્યારે Talkative English movies જોવાં ( તેના દ્રશ્યો પ્રસંગો જોવા કરતા તેના ઉચ્ચારો ઉપર ધ્યાન રખાય તો સારુ, બને તો અમૂક અમૂક સમયે આંખ બંધ કરીને જ જોવા).
- અંગ્રેજીનું લેખીત જ્ઞાન તેમણે દરેકે અંગ્રેજી પાઠમાળાનાં 1 થી 4 પાઠ વાંચવા અને તે પ્રત્યેક પાઠમાં આપેલ Exercises ની પરેડ, એક અલગ નોટબુકમાં કરતા જવું, ભૂલો સુધારવી અને પ્રેક્ટીસ કર્યા જ કરવી.
- અંગ્રેજી છાપા અને હળવી નવલકથાઓનું વાંચન પણ સહાયભૂત થશે. અહીં આવ્યા પછી તો સાંભળવાનુ અને વિચારવાનુ પન અંગ્રેજીમાં થવાનુ છે.
2. Driving a car:
Driving તો ત્યાંથી દરેકે દરેક 16 વર્ષથી ઉપરનાએ શીખીનેજ આવવાનું છે.. હ ત્યાં લાયસંસનાં પૈસા ખર્ચવાની જરૂર નથી. કારણ અહીં ટેસ્ટ લેવો પડશે. અહીંનાં Driving rulesની પુસ્તિકાઓ પહેલા મોકલી છે જે વાંચવાનુ શરુ કરી દેશો. હા બંને જણ કાર ચલાવતા થાય તે જરૂરી છે.
3. અહીં આવ્યા પછી શરુઆતના કેટલાક સમય માટે:
મળે તે કામ ( ગમે ના તેવુ હોય તો પણ) કરવાની તૈયારી રાખવી. મેં આગળ કહ્યું છે તેમ “વિચારો બદલો તો જીવન બદલાઇ જશે” Flaxibility is the cornerstone of progress! progress is impossible without CHANGE! Those who can not change their minds, will never be able to change anything!
જેઓએ તમને અહીં બોલાવ્યા છે તેઓ તમને તમારા અનુભવ અભ્યાસ અક્કલ સૂઝ સમજ તથા હોંશિયારી મુજબ જોબ મેળવવા મદદ કરશેજ..પણ જણનારીમાં જોર ના હોય તો દાયણ શું કરે? તે ખાસ સમજવું. તમારી યોગ્યતા, લાયકાત વગેરે આ દેશની જરુરિયાત મુજબ સુધારવા, વધારવાની રહેશેજ.. સારી સ્થિતિએ પહોંચવા યોગ્ય તક્ની રાહ તો જોવીજ પડે તેથી ધીરજ, ખંત અને આત્મ શ્રધ્ધાથી વિકાસ માટે મથવુ.
4. બાળકો માટેની તૈયારીઓ:
- દરેક બાળકોની રસી લીધી હોવાનં સર્ટીફીકેટ તમારા ડોક્ટર પાસેથી લઇ રાખો.
- જન્મતારીખનો દાખલો ( અંગ્રેજીમાં સાચા નામ સાથેનો) સાથે રાખવો.
- છેક પહેલા ધોરણ થી ચાલુ વર્ષ સુધીના પરિણામો ( અસલ અને નકલ એમ બે જુદી ફાઇલો તૈયાર કરવી)
- અમેરિકન અંગ્રેજી વોકેબ્યુલરીનાં તથા રોજ બ રોજનાં શબ્દોનું વાંચન અને પુંરાવર્તન માતાઓએ બાળકો સાથે કરવુ અને તેમણે પણ કરવુ. ગોખવાનું નહીં ઇઇઇઇઇ ! માત્ર વાંચવાનું, વારંવાર, અપરંપાર!
- ખુબ જ કાચુ અંગ્રેજી જેમનુ હોય તેમણે અંગ્રેજીનું ટ્યુશન લેવુ પડે તો તે પણ લેવુ.
- અંગ્રેજીમાં સામાન્ય વાંચી લખી શકે અને સાંભળીને જવાબ આપી શકે તેટલુ શીખવું અંગ્રેજીનો ‘હાઉ’ રાખવો નકામો છે કહે છે ને “ભાષાને શું વળગે ભૂર? રણ જીતે તે શુર…”એટલે કે ગાડુ ગબડાવતા થવાય તો તે પુરતુ છે તેમાં બહુ મોથ મારવાની નથી પણ ગોથુ નખવાય તેટલી કાળજીય લેવી જરૂર છે.
5. ત્યાંના મકાન અને નોકરી વિશેનાં અઘરા નિર્ણયો:
સારી નોકરીઓ માં છ મહિનાની રજા લઇ ને આવવું. ઘર સારી રીતે બંધ કરી ભરોંસા પાત્ર માણસને સોંપીને આવવું. અહીં બધી સ્થિરતા આવ્યા પછી તેવા નિર્ણયો કરવા. ઘરમાં કોઇ પણ કિંમતી ચીજ વસ્તુઓ રાખવી નહીં શાળાએ જતા બાળકો પોતાનુ ભણતર પતાવે ત્યાં સુધી સુખે કે દુ:ખે અહીં રહેવુ જ છે તેવુ સર્વ ઘરનાં સભ્યોમાં એકમતિ સધાય નહીં ત્યાં સુધી ત્યાંનુ કોઇ રોકાણ સ્થાઇ કે જંગમ તોડવાનો મતલબ તમે તમારી પાછા જવાની શક્યતા ઘટાડો છો.
( આ પત્ર 1994માં આવતા 4 કુટુંબ્નાં 16 સભ્યોને ઉદ્દેશીને લખ્યો હતો આજે તે 16 સભ્યો વત્તા અહીંનાં 4+2 અમે એમ કુલ્લે 22 સભ્યો જે હાલ વધીને 35 થયાછે તે સૌ એક સાથે એક સબ ડીવી આ પત્રોનાં નીતિ નિયમોને અનુસરીને સુંદર ભારતિય પ્રણાલીમાં રહે છે.)
Comments»
no comments yet - be the first?